రాబోయే సర్పంచ్ ఎన్నికల్లో కాంగ్రెస్‌కు గుణపాఠం చెప్పాలి

📰 Generate e-Paper Clip

మన ప్రజా ప్రతినిధి — కొండపాక మండలం. నవంబర్ 26
రెండేళ్లు గడిచినా తులం బంగారం హామీ అమలు కాని కాంగ్రెస్ ప్రభుత్వం
ఎన్నికల ముందు ప్రజలకు ఇచ్చిన అనేక హామీలు అమలు చేయడంలో విఫలమైన కాంగ్రెస్ ప్రభుత్వానికి రాబోయే సర్పంచ్ ఎన్నికల్లో తగిన బుద్ధి చెప్పాలని బీఆర్ఎస్ నాయకులు పిలుపునిచ్చారు. కొండపాక మండలంలోని అంకిరెడ్డిపల్లి, బందారం, దర్గా గ్రామాల్లో బీఆర్ఎస్ పార్టీ ఆధ్వర్యంలో జరిగిన గులాబీ జెండా కార్యక్రమాల్లో మండల అధ్యక్షుడు నూనె కుమార్, సీనియర్ నాయకులు రాగల దుర్గయ్య, అనంతల ప్రశాంత్ మాట్లాడుతూ కాంగ్రెస్ పాలనపై మండిపడ్డారు.
ప్రభుత్వం మహిళలకు కల్యాణలక్ష్మితో పాటు తులం బంగారం ఇస్తామని వాగ్దానం చేసినా రెండేళ్లు గడిచినా హామీ అమలు కాలేదని వారు విమర్శించారు. మహిళలకు ₹2,500 పెన్షన్, అలాగే ₹4,000 వరకు పెంపు చేస్తామని చేసిన హామీలు కూడా మాటల్లోనే మిగిలిపోయాయని ఆరోపించారు. ఎన్నికలు దగ్గరపడుతున్న నేపథ్యంలో చీరల పంపిణీ ద్వారా మళ్లీ మహిళలను మోసం చేయాలనే ప్రయత్నం జరుగుతోందని మండిపడ్డారు.
“4 లక్షల ఉద్యోగాలు హామీ ఎక్కడ?”
కాంగ్రెస్ ప్రభుత్వం యువతను ఉద్యోగాల పేరుతో భారీగా మోసం చేసిందని నాయకులు అన్నారు. ఎన్నికల సమయంలో 4 లక్షల ఉద్యోగాలు ఇస్తామని చెప్పి ఇప్పుడు ఒక్క నోటిఫికేషన్ కూడా విడుదల చేయలేదని ప్రశ్నించారు.“కాంగ్రెస్ పాలన తెలంగాణకు ద్రోహం” — బీఆర్ఎస్
బీఆర్ఎస్ నాయకులు మాట్లాడుతూ—“కాంగ్రెస్ అంటే తెలంగాణకు ద్రోహం చేసిన పార్టీ. కేసీఆర్ నాయకత్వంలోనే రాష్ట్రం అభివృద్ధి సాధించింది. ప్రస్తుత ప్రభుత్వం అమలు చేసిన ఒక్క విజయవంతమైన పథకం కూడా లేదు” అని మండిపడ్డారు.ప్రచారానికి వచ్చే కాంగ్రెస్ నాయకులను ప్రశ్నించాల్సిందే
సర్పంచ్ ఎన్నికల్లో కాంగ్రెస్ పార్టీ నాయకులు గ్రామాలకు ప్రచారానికి వస్తే ప్రజలు నేరుగా ప్రశ్నించాలని బీఆర్ఎస్ పిలుపునిచ్చింది—
“మీ హామీలు ఎక్కడ? మహిళలకు ఇచ్చిన తులం బంగారం ఎక్కడ? పెన్షన్ పెంపు ఎక్కడ? ఉద్యోగాలు ఎక్కడ?”
కార్యక్రమంలో పాల్గొన్నవారు
ఈ కార్యక్రమంలో బైరెడ్డి రాధాకృష్ణారెడ్డి, నర్ర జైపాల్ రెడ్డి, మంచాల శ్రీనివాస్, దోమల ఎల్లం, అనంతుల నరేందర్‌తోపాటు గ్రామస్థాయి బీఆర్ఎస్ నాయకులు, కార్యకర్తలు పాల్గొన్నారు.