బిఆర్ఎస్ శ్రేణుల్లో కొత్త ఉత్సాహం-ఎన్ఆర్ఐ సింగం ప్రసాద్ పార్టీలో చేరిక

📰 Generate e-Paper Clip

మనప్రజాప్రతినిధి//రాజన్న సిరిసిల్ల.జనవరి4
కోనరావుపేట మండలంలో భారత రాష్ట్ర సమితి (బిఆర్ఎస్) పార్టీలోకి వలసల జోరు కొనసాగుతోంది. ముఖ్యమంత్రి కేసీఆర్ నాయకత్వంలో తెలంగాణలో చేపట్టిన అభివృద్ధి కార్యక్రమాలకు ఆకర్షితులై వివిధ వర్గాలకు చెందిన ప్రజలు, నాయకులు బిఆర్ఎస్ వైపు అడుగులు వేస్తున్నారు.ఈ క్రమంలో నిజామాబాద్ గ్రామానికి చెందిన ప్రముఖ ఎన్ఆర్ఐ సింగం ప్రసాద్ తన అనుచరులతో కలిసి బిఆర్ఎస్ పార్టీలో చేరారు. మల్కపేట గ్రామంలో ఏర్పాటు చేసిన ప్రత్యేక కార్యక్రమంలో, వేములవాడ నియోజకవర్గ ఇన్‌చార్జ్ చల్మెడ లక్ష్మీనరసింహారావు సమక్షంలో సింగం ప్రసాద్ ఆధ్వర్యంలో సుమారు 100 మంది కార్యకర్తలు గులాబీ గూటికి చేరారు. ఈ సందర్భంగా చల్మెడ లక్ష్మీనరసింహారావు నూతన సభ్యులకు గులాబీ కండువాలు కప్పి పార్టీలోకి సాదరంగా ఆహ్వానించారు.ఈ సందర్భంగా చల్మెడ లక్ష్మీనరసింహారావు మాట్లాడుతూ,“క్షేత్రస్థాయిలో పార్టీకి కార్యకర్తలే అసలైన బలం. సేవాభావంతో పనిచేసే సింగం ప్రసాద్ వంటి వ్యక్తులు పార్టీలో చేరడం ఎంతో సంతోషకరం. పార్టీ బలోపేతానికి అందరం సమిష్టిగా కృషి చేయాలి” అని పిలుపునిచ్చారు.ఎన్ఆర్ఐ సింగం ప్రసాద్ మాట్లాడుతూ,“తెలంగాణలో జరిగిన అభివృద్ధిని చూసి ఆకర్షితుడినయ్యాను. అందుకే బిఆర్ఎస్ పార్టీలో చేరుతున్నాను. నా వెంట ఉన్న వంద మంది అనుచరులతో కలిసి పార్టీ సైనికులుగా పనిచేస్తాం” అని తెలిపారు.ఈ కార్యక్రమంలో మండల స్థాయి నాయకులు, పార్టీ కార్యకర్తలు, స్థానిక ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.