చాకలి ఐలమ్మ విగ్రహాన్ని ధ్వంసం చేసిన దుండగులను గుర్తించి కఠిన చర్యలు తీసుకోవాలి

📰 Generate e-Paper Clip

మనప్రజాప్రతినిధి//మెదక్,

తెలంగాణ ఆత్మగౌరవ ప్రతీక చాకలి ఐలమ్మ విగ్రహ ధ్వంసంపై తెలంగాణ రక్షణసేన పార్టీ తీవ్ర ఖండన
విగ్రహాన్ని ధ్వంసం చేసిన దుండగులను గుర్తించి కఠిన చర్యలు తీసుకోవాలి – నూతన చాకలి ఐలమ్మ విగ్రహాన్ని ఘనంగా పునఃప్రతిష్ఠించాలి: బట్టి అజయ్ డిమాండ్ తెలంగాణ సాయుధ పోరాట యోధురాలు, మహిళా చైతన్యానికి ప్రతీక, తెలంగాణ ఆత్మగౌరవాన్ని చాటిచెప్పిన వీరనారి చాకలి ఐలమ్మ గారి విగ్రహాన్ని మెదక్ జిల్లా కేంద్రంలోని మెదక్ పట్టణంలో గుర్తుతెలియని వ్యక్తులు ధ్వంసం చేయడాన్ని తెలంగాణ రక్షణసేన పార్టీ మెదక్ నియోజకవర్గ ఇన్‌చార్జ్ బట్టి అజయ్ తీవ్రంగా ఖండించారు. ఈ ఘటన తెలంగాణ ప్రజల ఆత్మగౌరవానికి సంబంధించిన అంశమని, ఇలాంటి చర్యలను సహించరాదని ఆయన స్పష్టం చేశారు.
చాకలి ఐలమ్మ గారు తెలంగాణ సమాజానికి స్ఫూర్తినిచ్చిన పోరాట యోధురాలని, ఆమె విగ్రహాన్ని ధ్వంసం చేసిన ఘటనపై పోలీసులు తక్షణమే సమగ్ర విచారణ చేపట్టాలని బట్టి అజయ్ డిమాండ్ చేశారు. ఈ ఘటనకు బాధ్యులైన గుర్తుతెలియని వ్యక్తులను వెంటనే గుర్తించి, చట్ట ప్రకారం కఠిన చర్యలు తీసుకోవాలని మెదక్ జిల్లా కలెక్టర్ గారిని, పోలీసు ఉన్నతాధికారులను కోరారు.అదేవిధంగా, మెదక్ జిల్లా కలెక్టర్ గారు ఈ ఘటనపై సత్వరమే స్పందించి, ధ్వంసమైన చాకలి ఐలమ్మ గారి విగ్రహం స్థానంలో నూతన విగ్రహాన్ని ఏర్పాటు చేసి, ఘనంగా పునఃప్రతిష్ఠించేలా తక్షణ చర్యలు చేపట్టాలని తెలంగాణ రక్షణసేన పార్టీ నాయకులు బట్టి అజయ్ గారు, పార్టీ నాయకులు, కార్యకర్తలు డిమాండ్ చేశారు. తెలంగాణ ఆత్మగౌరవానికి ప్రతీకగా నిలిచిన చాకలి ఐలమ్మ గారికి తగిన గౌరవం కల్పించడం ప్రభుత్వ బాధ్యత అని వారు పేర్కొన్నారు.ఈ ఘటనను నిరసిస్తూ తెలంగాణ రక్షణసేన పార్టీ నాయకులు, కార్యకర్తలు శాంతియుతంగా నిరసన తెలియజేయడానికి ప్రయత్నించగా, పోలీసులు పార్టీ మెదక్ నియోజకవర్గ ఇన్‌చార్జ్ బట్టి అజయ్ గారితో పాటు పార్టీ నాయకులు, కార్యకర్తలను పోలీస్ స్టేషన్‌కు తరలించారని పార్టీ వర్గాలు తెలిపాయి. ప్రజాస్వామ్య పద్ధతిలో నిరసన తెలిపే హక్కును గౌరవించాలని, తమ ఆందోళనను సంబంధిత అధికారుల దృష్టికి తీసుకెళ్లేందుకు అవకాశం కల్పించాలని పార్టీ నాయకులు కోరారు.ఈ కార్యక్రమంలో తెలంగాణ రక్షణసేన పార్టీ సీనియర్ నాయకులు ఇప్ప రమేష్ గారు, చౌదరి భాను గారు, చౌదరి నవీన్ గారు, జిల్లా స్టూడెంట్ వింగ్ అధ్యక్షుడు ఎండీ జునైద్ గారు, వడ్డే రమేష్ గారు, కరాటే ప్రేమ్ గారు తదితర నాయకులు, కార్యకర్తలు పాల్గొన్నారు.చాకలి ఐలమ్మ గారి విగ్రహ ధ్వంసం ఘటనపై నిష్పక్షపాతంగా విచారణ జరిపి, బాధ్యులను గుర్తించి కఠిన చర్యలు తీసుకోవడంతో పాటు, నూతన విగ్రహాన్ని ఘనంగా పునఃప్రతిష్ఠించే వరకు ఈ అంశాన్ని అధికారుల దృష్టికి తీసుకెళ్తామని తెలంగాణ రక్షణసేన పార్టీ నాయకులు తెలిపారు.
జై తెలంగాణ!